Pólland sendir Ukraina jagaraflogfør

Í síðstu viku sendi Slovakia fyrstu jagaraflogførini til Ukraina, og nú fer Pólland eisini at senda jagaraflogfør til Ukraina, upplýsir ein ráðgevi fyri pólska forsetan, skrivar AFP.

Flogførini úr Slovaka og Póllandi eru av slagnum MiG-29.

Einki verður kortini sagt um, hvussu nógv flogfør talan er um.

Ukrainar hava MiG-29 jagaraflogfør í herinum, og tí hava teir førleikar at brúka tey beinan vegin.

MiG-29 flogførini vóru ment í Sovjetsamveldinum í sjeytiárunum og áttatiárunum, tá USA hevði ment sini F-15 og F-16 jagaraflogfør.