Fyrrverandi forseti noktar seg sekan í krígsbrotsgerð

Rættarmálið móti fyrrverandi forsetanum í Kosovo, Hashin Thaci, byrjaði við serliga dómstólin í hollendska stjórnarbýnum Haag í dag.

Dómstólurin var skipaður í 2015 at viðgera krigsbrotsgerðir og brotsgerðir móti mannaættini í Kosovo frá 1998 til 2000. 

 Í 2020 var Hashin Thaci ákærdur við ein dómstól í Kosovo fyri krigsbrotsgerðir og brotsgerðir móti mannaættini.

Fluttur til Haag

Stutt eftir ákæruna legði hann frá sær sum forseti, og Tchai var síðani fluttur til Haag.

Á fyrsta rættarfundinum í dag noktaði fyrrverandi forsetin seg sekan. 

Roknað verður við, at rættarmálið móti Thaci og trimum øðrum monnum, sum vóru limir í einum partisanbólki, verður drúgt.

Ákærarnir hava sagt, at teir fara væntandi at brúka tvey ár at leggja øll prógv í málinum fram.