Ridluskriði í Íslandi

Allur seyðurin á einum garði á norðurlandinum í íslandi er tikin av, eftir at ridluskriði er staðfestur har. Talan er um 690 seyðir.

Ridluskriði er, sambært Orðabókagrunninum, ringur skriði, ið fær seyðin at træna burtur. 

Garðurin er við Miðfjørð á norðurlandinum, og fjørðurin er nú lýstur at vera smittuøki.

Boðaði frá sjúkum seyði

Í síðstu viku boðaði bóndin í Bergsstøðum myndugleikunum frá um sjúkan seyð, sum kundi vera ridluskriði. 

Royndir vóru tiknar av seyðinum, og staðfest var, at seyðurin hevur ridluskriða.

Nú verður kannað, av hvørjum garði seyðurin er komin, og annars at fáa yvirlit yvir støðuna. 

Ridluskriði er ikki staðfestur í økinum fyrr, skrivar íslendska kringvarpið, RÚV.