Lønarsamráðingar byrja eftir páskir

Mikudagin eftir páskir byrja samráðingarnar millum Lønardeildina og tey fakfeløgini, sum fyrst standa fyri í samráðingunum, upplýsir stjórin á Lønardeildini, Jan Mortensen.

Feløgini eru Føroya Lærarafelag, Akademikarafelagið, Felagið fyri føroyskar sjúkrarøktarfrøðingar og felagið fyri lærarar á Vinnuháskúlanum.

Eftir fyrsta samráðingarfundin fer Lønardeildin á fund við tey trý feløgini, hvørs limir hava fingið lovað eitt lønarlyft frá landsstýrinum.

Tey feløgini eru Heilsurøktarafelagið, Heilsuhjálparafelagið og Pedagogfelagið, sum umboðar bæði pedagogar og pedagoghjálparfólk.