Leggur eisini frá sær sum floksforkvinna

Sanna Marin, sum tapti finska ríkisdagsvalið sunnudagin, og tí fer frá sum forsætisráðharri, hevur nú boðað frá, at hon eisini leggur frá sær sum forkvinna í sosialdemokratiska flokkinum. 

Tað skrivar finska kringvarpið, Yle. 

Hon heldur tó fram sum limur í finska lóggávutinginum, ríkisdegnum.

Sanna Marin sigur eisini, at hon væntar ikki, tað verður møguleiki hjá sær at gerast ráðharri í ein samgongustjórn, har sosialdemokratarnir eisini eru við.

Sanna Marin hevur verið forsætisráðharri í Finnlandi í hálvt fjórða ár.