Staðfest á hægsta staði, at Nets tekur ov stórt ómaksgjald fyri Dankort

Hægstirættur hevur staðfest, at Nets tekur ov nógv frá teimum, sum brúka Dankortið á netinum.

Donsku kappingarmyndugleikarnir og Landsrætturin søgdu tað sama.

Handlar, sum selja á netinum, skulu rinda Nets, sum eigur Dankortið, eitt ómaksgjald hvørja ferð, tey, sum keypa, brúka Dankort.

Málið er gamalt, tí longu í 2012 og 2013 gav danska kappingarráðið Nets boð um broyta ómaksgjaldið.  

Nets so gjørdi, men kappingarráðið var tó ikki nøgt. 

Tað kravdi nú, at ómaksgjaldið mátti í miðal ikki fara upp um 1,20 kr. fyri hvørja flyting.

Eingin kapping er at stýra ómaksgjaldinum, so tí má tað ikki vera ov stórt.