Heimshøvini heitari enn nakrantíð

Heimshøvini hava ongantíð verið so heit, sum um páskirnar í ár. Fyrstu vikuna í apríl hava stigini í høvunum ligið yvir 21 stig í miðal.

Bjørn Samset, sum er veðurlagsgranskari, sigur hetta vera ógvusligt.

Týsdagin 5. apríl var hitin í vatnskorpuni 21,1 stig í miðal í heimshøvunum, vísa tøl hjá NOAA.

Martin Leon, veðurfrøðingur, sigur við El País, at vit nú fara inn í ókent veðurlagsøki, sum ongantíð er sæð áður. Heimsmetið var annars 21,0 stig, tað metið varð sett í mars 2016.

Bjørn Samset sigur, at hetta hevur verið væntað, men tað er hóast tað sera dramatiskt. Tað veit norska kringvarpið at siga.