USA: Starvsfólk í banka skeyt frá hond og drap fimm fólk

Tað var í amerikanska býnum Louisville í statinum Kentucky, at ein maður skeyt frá hond í bankanum Old National Bank í gjár. Fimm fólk lótu lív.

Sambært CNN byrjaði brotsmaðurin, sum starvaðist í bankanum, at skjóta frá hond, tá starvsfólkini vóru savnað til fund umleið ein hálvan tíma, áðrenn bankin skuldi lata upp.

Tað eydnaðist fleiri av teimum, sum vóru stødd í bankanum, at krógva seg í eini bankaboks, boðar CNN frá. 

Brotsmaðurin doyði av skotum frá løgregluni. 

Løgreglan hevur eyðmerkt brotsmannin - ein 25 ára gamal maður, sum hevði starvast fulla tíð í bankanum seinasta árið.