Støðan er spent undan forsetavalinum í Turkalandi

Støðan í Turkalandi er heldur spent undan forsetavalinum, sum verður 14. mai.

Sagt verður, at talan er um valið millum ein konservativan populist, Recep Tayyip Erdogan, sum kom til valdið fyri 20 árum síðani, og kappingarneytan hjá honum, sosialdemokratin og tann væl umtókta borgarstjóran í Istanbul, Ekrem Imamoglu.

Imamoglu stóran stuðul

Hann er dømdur tvey ár og sjey mánaðar fongsul, eftir at hann í kjalarvørrinum av lokalvalinum í Istanbul í 2019 kallaði valnevndina, sum royndi at broyta valúrslitið, fyri nakrar tápulingar. Úrslitið gjørdist tí eitt umval í Istanbul

Dómurin fekk túsundtals turkar at mótmæla framman fyri ráðhúsið í býnum. Ekrem Imamoglu er ein politisk stjørna hjá andstøðuni í Turkalandi.

Minkandi stuðul fyri Erdogan

69 ára gamli Erdogan, sum stendur á odda fyri rættvísis- og menningarflokkinum, AKP, ið hann sjálvur grundlegði á Islamistiska Vælferðarflokkin, hevur tó framvegis stóra undirtøku millum turkiska fólkið, hóast hann hevur sitið við valdinum síðani 2003.

Men stuðulin er minkaður seinnu árini eftir búskaparligu kreppuna í Turkalandi og serliga eftir ógvusliga jarðskjálvtan í februar, har forsetin er ákærdur fyri mutur í byggivinnuni og nepotismu í tilbúgvingini.

Eitt lagnuval

Á gøtuni í Istanbul droyma tey ungu mótmælisfólkini um, at valið í mai kann gerast ein nýggj byrjan fyri Turkaland, eins og kommunuvalið var tað fyri Imamoglu í Istanbul í 2019. 

Forsetavalið um ein mánaða er tí eitt lagnuval fyri bæði turkar og Erdogan, skrivar Altinget.dk.

Eitt val, sum sambært Washington Post verður mett sum tað mest týdningarmikla valið í heiminum í 2023.