Maður álopin á veg heim

Millum klokkan trý og fýra í gjáramorgunin varð ein ungur maður álopin í Vesturbýnum í Havn.

Tað upplýsir vakthavandi á politistøðini.

Maðurin var á veg heim úr býnum, tá hann møtti fýra ungum fólkum - tveimum monnum og tveimum kvinnum - og varð álopin av tveimum teirra.

Álopni maðurín kendi ikki fólkini, sigur politiið.

Ungi maðurin hevur fingið tannskaða, blátt eyga og aðrar snuddir, og hann hevur meldað hendingina.

Politiið kannar nú málið og heitir á fólk um at siga sær frá, um tey hava sæð hendingina.