Samandráttur: Britt og Albert borðtennismeistarar

inalan í einmansleiki hjá monnum í borðtennis var avgreidd eftir fimm sett, og hana vann verandi føroyameistarin, Albert Weihe Wolfsberg, 4-1 á Fróða F. Jensen. 

- Har var bara ein spælari á vøllinum í dag, segði Fróði J. Jensen eftir tapið. 

Føroyameistarin sjálvur var serstakliga glaður og vælnøgdur við bæði úrslitið og avrikið. 

- Eg haldi, at eg spældi ein sera góðan dyst í dag, segð hann fegin og legði afturat, at hann gleðir seg til at umboða Føroyar á oyggjaleikunum í Guernsey í summar.


Vinkonukapur: Britt vann á Anju
 

Einmansleikurin hjá kvinnum í borðtennis gjørdist ein javnur og spennandi dystur millum tær báðar Britt Michelsen og Anju Wongwai, sum báðar eru uppvaksnar á Tvøroyri og spæla fyri Horsens KFUM í dag. 

Tær skiftust um at vinna settini, soleiðis at støðan var bæði 1-1 og 2-, áðrenn Britt vann seg framum 3-2 og kundi vinna dystin við sigri í sætta setti.

Fyri fyrstu ferð spæla kvinnurnar eisini best av sjey, og tað gjørdist eisini ein spennandi dystur. 

Eina løtu stóð á jøvnum í sætta setti, men so vann Britt sær góðan fyrimun, og Anja kom undir trýst.

Hon tyktiskt at trívast í trýstinum og fór at spæla fríari eina løtu, men tað endaði við, at Britt vann 4-2 í settum.