Svøríki: Forkvinnan í Sentrumflokkinum roynir nú at skipa stjórn

Tað er 36 dagar síðan, at ríkisdagsval var í Svøríki, men enn er eingin nýggj stjórn skipað.

Nú hevur formaðurin í svenska ríkisdegnum litið Elisabeth Thand Ringqvist, forkvinnu í Sentrumflokkinum, upp í hendur at kanna, um til ber at skipa stjórn tvørtur um politisku miðjuna.

Hetta hendir, eftir at Magdalena Andersson, forkvinna í Sosialdemokratunum, hevur roynt at skipa stjórn, men ikki hevur fingið neyðuga undirtøku í ríkisdegnum.

Hóast flokkarnir á mið-vinstravonginum fingu ein tepran meiriluta á valinum, so eru teir ósamdir um, hvør skal sleppa við í stjórnina.

Elisabeth Thand Ringqvist sigur, at hon ætlar sær ikki sjálv at gerast forsætisráðharri, men vil royna at finna eina loysn.

Hon fer nú at tosa við allar floksleiðararnar, og skal geva formanninum í ríkisdegnum svar í seinasta lagi mánadagin 26. oktober - tað er um eina viku.