Putin í Kherson

Russiski forsetin, Vladimir Putin, hevur, sambært russiskum myndugleikum, verið á vitjan í Ukraina.

Hesa ferð á høvuðsstøðini í ukrainska landspartinum Kherson, skrivar almenna russiska tíðindastovan, Tass, og russisku myndugleikarnir í Kreml.  Forsetin hevur vitjað herdeildir í økinum.

Kreml sigur, at hetta er fyrstu ferð, at Putin vitjar í hesum partinum av Ukraina, sum russiskar herdeildir hava hersett. 

Landsparturin er ein av fýra, sum Russland hevur lagt undir seg, síðani innrásina í februar í fjør.

Fyrra vitjanin hjá Putin var í havnarbýnum Mariupol 19. mars.

Tað var beint eftir, at altjóða revsdómstólurin í Haag, ICC, gav boð um at handtaka Putin fyri krígsbrotsverk.

Russland hersetti Mariupol í mai í fjør.