Øll ullin seld í Føroyum

Øll ullin, sum Búnaðarstovan seldi í fjør, var seld í Føroyum. Hon var seld trimum fyritøkum.

Men miðalprísurin var nógv minni enn Búnaðarstovan hevði ætlað sær fyri ullina, sigur Dorthea Joensen, sum stendur fyri ullarmóttøkuni og ullarsøluni hjá Búnaðarstovuni.

Í 2021 var størsti parturin av ullini seldur til Onglands.

2022 var sætta árið, Búnaðarstovan tók ímóti ull. Hon tók ímóti 34 tonsum.

200.000 kr. á fíggjarlógini

26 tons vóru fyrsti flokkur, fýra tons annar flokkur, og fýra tons vóru koyrd burtur.

Játtanin til ullarmóttøku er 200.000 kr. á fíggjarlógini í ár.

Tað er á leið tað sama sum undanfarin ár, og tað er ov lítið.

Í fjør vóru eisini brúktar 240.000 kr. av játtanini, sum Búnaðarstovan fekk til royndir og ráðgeving.