Ulf Kristersson um njósnaraskip: Álvarsom støða

- Støðan er álvarsom, sigur svenski forsætisráðharrin, Ulf Kristersson, um avdúkingarnar, sum vísa, at russisk fiskiskip verða brúkt til hernaðarligt virksemi móti Norðanlondum.

Heimildarsending, sum stóru norðurlendsku sjónvarpsstøðirnar, norska NRK, svenska SVT, finska YLE og danska DR hava gjørt í felag, vil vera við, at fleiri russisk fiskiskip reka njósnaravirksemi í norskum øki. 

Eitt teirra liggur í løtuni við Skansabryggjuna.

russisk skip á Havnini, russisk skip

Fleiri russisk skip liggja á Havnini. (Mynd: Bjarni Árting Rubeksen)

Hættislig støða

Svenski forsætisráðharrin sigur eisini, at hetta vísir, at støðan er hættislig, eisini um okkara leiðir. 

Tað er ikki óhugsandi at Svøríki fer at svara Russlandi aftur.

- Vit fara at meta um upplýsingarnar, og síðani taka vit støðu, sigur Ulf Kristersson.