- Tíðindi, mentan og ítróttur
Avdúkingarnar vísa tað, sum stjórnin visti frammanundan
![](https://kvf.fo/sites/default/files/styles/grein-ovasta-mynd/public/peter_hummelgaard.jpg?itok=butpD377)
Danski løgmálaráðharrin, Peter Hummelgaard, sigur, at danskir myndugleikar gera alt fyri at reka aftur njósning úr fremmandum londum.
Útsøgnin kemur eftir, at nýggj heimildarsending, sum stóru norðurlendsku sjónvarpsstøðirnar hava gjørt, avdúkar, at russar eru í ferð við at kortleggja havvindmyllulundir, gassleiðingar og streym- og netkálplar í havleiðunum kring Danmark, Norra, Finnland og Svøríki.
Kortleggingin verður framd á tann hátt, at fleiri hernaðarlig og sivil skip sigla á norðurlendskum havleiðum og skráseta havbotnin, og hvussu norðurlendska undirstøðukervið er bygt upp.
Danski løgmálaráðharrin vil ikki viðmerkja ítøkilig mál, men sigur kortini, at avdúkingarnar hava ávirkan, og at tað vísir tað, sum danska stjórnin longu veit frammanundan:
Dimitry Peskov, sum er talsmaður fyri russiska forsetan, vísir aftur, at Russland fyrireikar sabotasju móti undirstøðukervinum í Danmark.
Tað sigur hann við russiska miðilin, TASS.
Russiska sendistovan í Keypmannahavn hevur higartil ikki svarað áheitanum frá danska kringvarpinum.