Joe Biden stillar uppaftur

Amerikanski forsetin, Joe Biden, fer í næstu viku at boða frá, at hann bjóðar seg fram aftur á forsetavalinum næsta ár.

Tað skriva amerikanskir miðlar. 

80 ára gamli Joe Biden hevur fyrr í mánaðinum róð framundir, at hevur ætlanir um at verða afturvaldur, og nú verður hildið, at hetta verður kunngjørt týsdagin í næstu viku.

Ætlanirnar hjá Biden minna nógv um, tá Obama kunngjørdi, at hann stillaði uppaftur í 2011.

Um Joe Biden verður valdur og situr eitt forsetaskeið aftrat, verður hann 82 ára gamal, tá ið hann tekur við, og 86 ár, tá ið forsetaskeiðið er av.