Bretski varaforsætisráðharrin lagt frá sær

Bretski varaforsætisráðharrin, Dominic Raab, leggur frá sær. 

Tað boðaði hann frá fyrrapartin.

Raab er í fleiri førum lagdur undir at happa embætisfólk og fyri at hava verið óhøviskur og niðrandi móti fyrrverandi ráðharrum.

Hetta skal vera farið fram í stjórnartíðini hjá BorisJohnson.

Noktar seg sekan

Raab noktaði seg sekan og bað um óvilduga kanning av málinum. Frágreiðingin er nú liðug, og er handað Rishi Sunak, forsætisráðharra.

Í fráfaringarbrævi sínum skrivar Dominic Raab, at hann lovaði at leggja frá sær, um frágreiðingin avdúkaði happing. 

- Samstundis, sum eg kenni meg noyddan at góðtaka úrslitið av kanningini, eru allar uttan tvær skuldsetingar móti mær um happing vístar aftur, skrivar hann. 

Raab skrivar, at ráðharrar eiga at kunna geva hvøss aftursvar.

- Við at seta so strong mørk fyri happing, verður hendan kanningin eitt vandamikið fordømi, skrivar Dominic Raab í fráfaringarskrivi sínum.