Oljutangar brenna á Krim

Fleiri oljutangar á Krim-hálvoynni standa í morgun í ljósum loga, og ovurstór svørt skýggj hanga yvir býnum.

Tað er í býnum Sevastopol, har russar hava eina stóra herflotahavn.

Sambært Reuters sigur russiskt-setti guvernørurin í Krim, at tað var tað eitt ukrainskt dronuálop, sum elvdi til eldin í oljutangunum. Guvernørum sigur eisini, at ongin fólkaskaði var av eldinum. 

20230429-080001-1-1920x1049we.jpg

Krim-hálvoyggin var hersett av russum í 2014, og síðani innrásina í Ukraina í fjør hava fleiri einstøk álop verið í Krim.
 
Ukrainska hervaldið vil ikki viðmerkja ella taka ábyrgdina fyri álopinum, skrivar The Guardian.