Semingsuppskot til frumatkvøðu

Semingsuppskotið í sáttmálatrætuni millum Flogskiparafelagið og Føroya Arbeiðsgevarafelag verður nú sent út til frumatkvøðu millum limirnar í Flogskiparafelagnum.

Tað sigur Terje Sigurdsson, semingsmaður.

Semingsstovnurin legði fram nýtt semingsuppskot fyri partarnar í gjárkvøldið, eftir at arbeiðsgevarafelagið lýsti verkbann móti flogskiparunum við støð í føroyum hósdagin. Frammanundan hesum hevði  Flogskiparafelagið havnað tveimum semingsuppskotum.

Verkbannið kemur í gildið 12. maj um ongin semja er funnin áðrenn.

At semingsuppskotið skal til frumatkvøðu merkir, at tað skal út til allar limirnar í felagnum. – Tí ganga tað nú nakrir dagar áðrenn semingsstovnurin fær svar frá frá Flogskiparunum, sigur Terje Sigurdsson, semingsmaður.