Uttan lønarlyft er vandi fyri minni áhuga

Áhugin fyri at lesa sjúkrarøktarfrøði er ikki minni enn hann var.

Okkurt um dupult so nógvar umsóknir eru til tøku plássini.

Tað sigur Ruth Vang, landsstýriskvinna, í svari til Elsebeth Mercedis Gunnleygsdóttur, løgtingskvinnu, sum spurdi, hví sjúkrarøktarfrøðingar ikki fáa lønarlyft.

Ruth Vang svarar, at teir lægst løntu fakbólkarnir á umsorganarøkinum fáa lønarlyft. 

Hetta, tí brúk verður fyri alsamt meiri arbeiðsmegi á hesum øki komandi árini.

Elsebeth Mercedis Gunnleygsdóttir sigur, at við hesum lønarpolitikkinum hjá samgonguni kann væntast, at áhugin fyri at lesa sjúkrarøktarfrøði verður minkandi í framtíðini.