Íslendingar ræðast vápn

Samstundis sum talið á íslendingum, ið eiga vápn veksur, stúra alsamt fleiri íslendingar fyri ognarskapi av vápnum.

Ein nýggj kanning, sum Maskína hevur gjørt, vísir, at næstan helvtin ella um 46 prosent av teimum spurdu stúra fyri ognarskapi av vápnum.

Tað skrivar Morgunblaðið.

Formaðurin í íslendska skjúttafelagnum er bilsin av kanningini, men heldur úrslitið standast av søgunum um skjóting í øðrum londum, ið javnan eru at hoyra.

Áki Ármann Jónsson vísir á, at í øðrum londum eru flestu skottilburðir í stórbýum, men í Íslandi eru flestu vápnini úti á bygd, tí tey verða brúkt til veiðu.

Hann sigur, at ongastaðni er vápnalóggávan strangari enn í Íslandi, og at neyvan finst nakað tryggari land í so máta enn Ísland.