Erdogan hevur munin

Forseta- og tjóðartingsval er í Turkalandi í dag. 

Valið kann broyta politisku kósina í landinum, men tað kann eisini geva Recep Tayyip Erdogan fimm ár aftrat sum forseti.

Meira enn 61 milliónir fólk hava valrætt í Turkalandi, og av teimum eru fimm milliónir á vali fyri fyrstu ferð.

Hetta er eitt val um búskap, men í høvuðsheitinum snýr tað seg um virði. Um landið framvegis skal vera eitt demokrati ella um einaræði skal halda fram.

Ein avbjóðari
Bara eitt valevni hevur stillað upp móti Erdogan. 

Seks turkiskir andstøðuflokkar standa saman um felags forsetavalevnið, Kemal Kilicdaroglu, sum í nógv ár hevur verið formaður fyri Republikanska flokkin.

Hóast andstøðuflokkaranir hava ymisk mál, eru teir samdir um, at nú má vend koma í.

20 ár við Erdogan
Erdogan hevur sitið við valdi í 20 ár.

Í veljarakanningum hevur tað verið tætt millum bæði valevnini, tó at Erdogan hevur havt munin. 

Fær hvørgin meira enn 50 prosent av atkvøðunum, verður seinna valumfar 28. mai.