Løgmaður á toppfundi um russisku innrásina í Ukraina

Løgmaður tekur lut á toppfundi hjá Evropeiska ráðnum, sum verður hildin í Íslandi í morgin og mikudagin. 

Ovast á dagsskránni fyri toppfundin er russiska innrásin í Ukraina. 

- Tað hevur stóran týdning fyri okkum at vera virkin á øllum pallum, har trygdarpolitiska kósin komandi árini verður settur, út í kortið, sigur Aksel V. Johannesen, løgmaður.

Hann væntar, at trygdarpolitikkur fer at fylla nógv í føroyskum politikki komandi árini.

Hetta er bara fjórðu ferð í 74 ára gomlu søguni hjá Evropeiska ráðnum, at stjórnarleiðararnir í limalondunum hittast. 

Á fundinum í Reykjavík vera 900 fólk fyri stjórnirnar í limalondunum og millum 300 og 500 miðlafólk.

46 lond eru limir í Evropeiska ráðnum.