Eitt valumfar aftrat í Turkalandi

Neyðugt verður við einum valumfari aftrat í Turkalandi.

Tað váttar turkiska valnevndin í dag.

Recep Tayyip Erdogan hevur sitið longst sum forseti í Turkalandi, í 20 ár. 

Á valinum í gjár fekk hann 49,51 prosent av atkvøðunum, og Kilicdaroglu í Republikanska flokkinum CHP fekk 44,88 prosent.

Sinan Ogan, limur í nationalistiska flokkinum, fekk fimm prosent av atkvøðunum, og tað var meira enn væntað.

Hann hevur undir valstríðnum sagt, at sýrisk flóttafólk skulu ripast úr landinum, um neyðugt við valdi.

Sinan Ogan

Sinan Ogan út tjóðskaparflokkinum fekk fleiri atkvøður enn væntað. (Ritzau Scanpix)

Tey flestu vilja hava flóttafólkini heimaftur

Fýra milliónir flóttafólk úr Sýria búgva í Turkalandi. 

Ein umstrídd avtala millum ES og Turkaland í 2016, har Turkaland fekk fleiri milliardir evrur afturfyri at landið steðgaði streyminum av flóttafólkum og migrantum til Evropa, hevur gjørt, at fleiri sýrar búgva í landinum.

Ein kanning frá 2019 vísir, at umleið 80 prosent av turkum vilja hava sýrar at fara heimaftur.

Nú tað er greitt, at eitt valumfar verður aftrat, kann Sinan Ogan mæla sínum veljarum til annaðhvørt at velja Erdogan ella Kilicdaroglu. 

Fyri at vera valdur til forseta í Turkalandi skal undirtøkan vera í minsta lagi 50 prosent.

Annað valumfar verður 28. mai.