Zelenskyj hittir bretska forsætisráðharran

Ukrainski forsetin, Volodymyr Zelensky, hevur verið í Bretlandi og havt fund við bretska forsætisráðharran, Rishi Sunak.

Teir báðir hava tosað saman í einar tveir tímar í London, og Sunak sigur, at Bretland stuðlar framvegis Ukraina, og sigur soleiðis við Russland:

- Vit fara ongan veg.

Zelensky bað á fundinum enn eina ferð um fleiri stríðsflogfør í stríðnum móti russiska álopinum.

Men bretski forsætisráðharrin fær ikki lovað fleiri jetflogfør til Ukraina, tí Bretlandi eigur ongi F16 flogfør, ið skulu brúkast.

Í staðin lovaði Sunak hundraðtals av verjurakettum og dronur, ið kunnu flúgva langt.

Russland boðar í dag frá, at tað fellur ikki í góða jørð, at Bretland nú veitir Ukraina meira stuðul.