Gera fleiri royndir at brúka betong sum kálk

Ein einstøk roynd í so stutta tíð sigur ov litið til, at niðurstøða kann gerast.

Men Búnaðarstovan er sinnað at halda fram við royndunum.

Talan er um at brúka betong til at kálka jørð.

Eirikur í Jákupsstovu, løgtingsmaður, spurdi Høgna Hoydal, landsstýrismann, um royndina, sum var gjørd í 2021.

Brúktu reinsaðar betongrestir

Svarið er, at í 2021 fingu Búnaðarstovan og Umhvørvisstovan fyrispurning um møguleikan at gagnnýta betongrestir sum jarðarbót í slóttubøi.

Royndin var gjørd. 

Fýra teigar upp á góðar 1.000 fermetrar vóru brúktir til royndina við reinsaðum betongrestum. Men ein einstøk roynd er tó ov lítið at brúka sum grundarlag undir støðutakan.

Ivi er eisini um, antin tungmetall í betonginum dálkar umhvørvið.