Russiskt loftálop á Kyiv

Luftálop hava verið á ukrainska høvuðsstaðin, Kyiv, í nátt. Tilsamans vóru 18 rakettir skotnar inn yvir býin.

Hetta er áttanda álopið bara í mai mánaði. 

Sambært borgarstjóranum í Kyiv, Vitalij Klytjko, megnaði ukrainska loftverjan at skjóta rakettirnar niður, áðrenn tær raktu. Tó hevur álopið elvt til umfatandi skaðar, og trý fólk hava latið lív av rakettleivdum, upplýsir TV2. 

Harumframt eru bygningar og eisini djóragarðurin í Kyiv rakt. Hildið verður, at álopini í nátt serliga vóru ætlaði at raka loftverjuna og rakettverjuna.

Kyiv, álop á Kyiv

Toppfundur í Reykjavík

Á toppfundi hjá Evroparáðunum, sum byrjar í Reykjavík í dag, er russiska innrásin í Ukraina ovast á dagsskránni. 

Sambært DR, fara tey 46 limalondini í Evroparáðnum at leggja fram yvirlit yvir skaðar á bygningar og undirstøðukervið.

Aksel V. Johannesen, løgmaður, er við á fundinum.