- Tíðindi, mentan og ítróttur
Evroparáðið: Krígsskaðar í Ukraina skulu skrásetast
Evroparáðið: Krígsskaðar í Ukraina skulu skrásetast
Hetta er fyrsta stigið at fáa Russland at gjalda fyri sundurbumbaðar skúlar og íbúðarhús í Ukraina
Aksel V. Johannesen, løgmaður, og Mette Frederiksen, forsætisráðharri, á toppfundinum hjá Evroparáðnum í Reykjavík.
Mynd: Ritzau Scanpix
17.05.2023 - 11:18
Krígsskaðar, sum Russland hevur elvt til í krígnum í Ukraina, skulu nú skrásetast.
Tað hevur Evroparáðið samtykt á toppfundinum í Reykjavík.
Skrásetingin er eitt ítøkiligt stig at fáa Russland at gjalda fyri at byggja sundurbumbaðar skúlar, íbúðarhús og undirstøðukervi í Ukraina uppaftur.
43 av teimum 46 limalondunum í Evroparáðnum hava upplýst, at tey fara at skriva undir yvirlýsingina.
Mette Frederiksen, forsætisráðharri, er millum teirra, sum fara at skriva undir.
- Putin og Russland skulu ábyrgjast fyri krígsbrotsverkini í Ukraina, sigur danski forsætisráðharrin.
Evroparáðið hevur m.a. til endamáls at hava eyguni við fólkaræðinum og rættindum hjá borgarum í Evropa.
Hoyr Hall av Rana, tíðindamann, úr Reykjavík:
17052023_Hallur_av_Rana
Er kopiera
Nýggjastu sendingar í ÚV
Nýggjastu sendingar í SV
