Veiðigjøldini endaliga samtykt

Løgtingið hevur endaliga samtykt uppskotið hjá landsstýrinum um veiðigjøld á toski úr Barentshavinum og uppsjóvarfiski

Við triðju viðgerð var uppskotið samtykt við 17 atkvøðum fyri og 14 ímóti.

Eitt uppskot frá Fólkaflokkinum um at varðveita ásetingina um, at heimaflotin skal sleppa undan at rinda tilfeingisgjald fyri uppsjóvarfisk, fall.

14 atkvøður vóru fyri og 17 ímóti.

Loyvisgjøld í alivinnuni

Tingið hevur í løtuni triðju viðgerð av uppskotinum frá landsstýrinum um tøkugjøld í alivinnuni. 

Við triðju viðgerð hevur Sambandsflokkurin lagt fram eitt broytingaruppskot.

Sambandsflokkurin sigur, at broytingaruppskotið er ein roynd roynd at finna semju millum uppskotið frá landsstýrinum og uppskotið um loyvisgjald, sum Sambandsflokkurin legði fram, men sum var felt í tinginum. 

Fylg við orðaskiftinum her.