Nú verða starvsheitini í løgtinginum og landsstýrinum broytt

Løgtingið samtykti í dag endaliga uppskotini hjá formansskapinum um at broyta starvsheitini í løgtinginum og landsstýrinum.

Talan er um broytingar í stýrisskipanini og í tingskipanini.

Tað merkir, at heitini løgtingsmaður, løgtingskvinna og løgtingsfólk vera javnsett og góðkend at nýta formliga, eins og landsstýriskvinna og landsstýrisfólk verður javnsett við landsstýrismann, løgtingsforkvinna við løgtingsformann, og løgkvinna við løgmann.

Samstundis verða løgtingsfólk og tingfólk sett inn í tingskipanina og stýrisskipanarlógina sum felagsheiti fyri kvinnur og menn, ið sita í løgtinginum. 

Broytingarnar í tingskipanini koma í gildi á ólavsøku, men broytingarnar í stýrisskipanini koma ikki í gildi, fyrr enn nývalt løgting eisini hevur samtykt tær.

Hoyr innslag í útvarpstíðindunum: