Mæla til friðarsamráðingar millum Ukraina og Russland

Seks ríkisleiðarar í Afrika mæla til, at Ukraina og Russland fara undir samráðingar, hóast russiskir hermenn framvegis eru í Ukraina.

Leiðararnir í Senegal, Suðurafrika, Egyptalandi, Zambia, Uganda og Kongo-Brazzaville eru komnir við áheitanini.

Ein suðurafrikonsk friðarsendinevnd hevur ætlanir um at vitja í Kyiv og í Moskva fyrst í næsta mánaði.

- Fyrst skal endi fáast á bardøgunum, og síðani skulu karmar fyri friði gerast, segði talsmaðurin fyri umsitingina hjá suðurafrikanska forsetanum mánadagin.

Á odda fyri tiltakinum er forsetin í Senegal, Macky Sall, sum hevði formansskapin í suðurafrikonsku samgonguni í fjør.