- Tíðindi, mentan og ítróttur
Skipið, ið fór á land í Suez-veitini, leyst aftur
Skipið, ið fór á land í Suez-veitini, leyst aftur
190 metrar langa og 32,3 metrar breiða farmaskipið Xin Hai Tong 23 sigldi í morgun á land í Suez-veitini. Skipið er leyst aftur
Mynd: Kelda: MarineTraffic
25.05.2023 - 08:38
Eitt skip fór í morgun á land í Suez-veitini.
Skipið, ið talan var um, eitur "Xin Hai Tong 23" og er 190 metrar langt og 32,3 metrar breitt.
Sleipibátar fingu tó skipið leyst aftur og hava ført tað út í Reyðahavið aftur.
Í mars í 2021 var proppur í Suez-veitini í seks dagar, tá farmaskipið Ever Given rendi á land.
Tað hevði stóra ávirkan á altjóða handilin, tí onnur farmaskip ikki sluppu gjøgnum farleiðina.
Tá farmaskipið tá varð leyst aftur eftir seks dagar, lógu yvir 400 skip í bíðirøð.
Suez-veitin er menniskjaskapt og samantvinnar Miðjarahavið og Reyðahavið.
Suez-veitin er skjótasta farleið sjóvegis millum Asia og Evropa.
Er kopiera
Nýggjastu sendingar í ÚV
Nýggjastu sendingar í SV
