Krabbamein í Føroyum skal nú skrásetast

Krabbamein í Føroyum skal nú skrivast í eina krabbameinsskráseting.

Uppskot um kunngerð um krabbameinsskrá og um at boða frá krabbameini er gjørt, og er nú til hoyringar.

Í uppskotinum eru reglur um krabbameinsskráseting.

Ásett verður, hvør skal boða frá, nær tann, sum hevur skyldu at boða frá, skal gera tað, og hvørjar upplýsingar skulu fráboðast. 

Uppskotið sigur, at Fólkaheilsustýrið skal skipa, umsita og menna Krabbameinsskráseting Føroya. 

Eisini nágreinar uppskotið, hvørjar persónsupplýsingar, Fólkaheilsustýrið kann viðgera í sambandi við sína uppgávu at umsita krabbameinsskránna.