Svenska krónan nógv viknað

Virðið á svensku krónuni er nú minni enn 65 danskar krónur fyri hundrað svenskar.

Svenska krónan hevur ikki verið so lítið verd síðani síðani fíggjarkreppuna í 2009, sigur fíggjarstjórin í Dansk Industri við Ritzau-tíðindastovuna.

- Svenska krónan er sera veik. Tað er púra óvanligt, at tað ber til at keypa hundrað svenskar krónur fyri 65 danskar. Burtursæð frá nøkrum heilt fáum døgum í 2009, tá fíggjarkreppa var, hevur svenska krónan ikki verið so veik mótvegis donsku krónuni í fleiri enn 40 ár, sigur hann.

At svenska krónan er viknað so nógv, hevur fingið inflatiónina til at hækka. At svenska krónan er so veik hevur við sær, at prísirnir fyri innfluttar vørur hjá svenskum fyritøkum hækka, skrivar Ritzau.