Hækka stuðul við 7,5 milliardum

 Danska stórnin ætlar at hækka stuðulin til Ukrainagrunnin við 7,5 milliardum.

Tað sigur danski forsætisráðharrin Mette Frederiksen í samrøðu við DR. 

- Kríggið í Ukraina er serliga hættisligt í løtuni, og tí hevur Ukraina tørv á allari hjálp, tey kunnu fáa, sigur Mette Frederiksen. 

Ukrainagrunnurin varð stovnaður í mars í ár. Tá samdist meirlutin í Fólkatinginum um at leggja sjey milliardir í grunnin.

Nú ætlar danska stjórnin at seta 7,5 milliardir av aftrat, og næsta ár er ætlanin at leggja 10,4 milliardir aftrat í grunnin. 

Pengarnir koma frá "samfelagspuljuni", sigur Mette Frederiksen.