Eindarlistin: Kvinnur í Føroyum skulu lættari fáa fosturtøku í Danmark

Føroyskar kvinnur, sum búgva í Føroyum skulu hava rætt til eina ókeypis fosturtøku í Danmark. Tað sigur Rosa Lund, sum er framsøgufólk í javnstøðumálum hjá danska eindarlistanum. 

Tað skrivar DR í dag. 

- Tær eru ein partur av ríkisfelagsskapinum og búgva í Føroyum, sum hava eina av strangastu fosturtøkulógunum í Evropa, sigur hon. 

- Eg haldi, at vit skylda føroysku kvinnunum í Føroyum at siga teimum, at tær kunnu koma til Føroyar og fáa eina fosturtøku til fosturtøkulógin verður dagførd í Føroyum, leggur Rosa Lund afturat. 

Uppskotið hjá Eindarlistanum kemur eftir at Frítt Val hevur skotið upp at taka burtur kravið um danskt p-tal og danskan bústað hjá føroyingum, sum fara til Danmarkar at fáa fosturtøku. 

Tað er einans sjálva fosturtøkuna Eindarlistin ætlar skal vera ókeypis fyri føroysku kvinnurnar í Føroyum. Ferðing og gisting mugu tær sjálva gjalda fyri.