Danmark roynir enn at hjálpa Føroyum við ES

Sjúrður Skaale spurdi, um tað kann hugsast, at vánaliga atgongdin hjá Føroyum til ES-markaðin hevur gjørt Føroyar so heftar at russiska marknaðinum.

Lars Løkke Rasmussen svarar, at tað tykist ikki sum um tað hevur staðið á hjá føroyskum útflytarum at finna aðrar marknaðir, nú tann russiski ikki er so opin longur. 

Lars Løkke Rasmussen, uttanríkisráðharri, endurtekur tað, sum nógvir danskir ráðharrar hava sagt, at Danmark ger alt, sum Danmark kann, fyri útvega Føroyum betri atgongd til ES, til dømis eina partalagsavtalu.

Lars Løkke Rasmussen sigur, at sín fatan er, at framdrift er í royndunum at fáa í lag størri samstarv millum Føroyar og ES.