Túsundtals fólk flýggja undan skógareldi í Kanada

Fleiri hundrað skógareldar herja í Nova Scotia-landspartinum har eysturi í Kanada.

Fleiri enn 16.000 fólk er flýdd frá húsum í býnum Halifax.

Sløkkilið hava framvegis ikki tamarhald á eldunum, men eldurin hevur ikki breitt seg, síðani undantaksstøða var lýst seint í gjárkvøldið.

Eingin fráboðan er um fólkaskaða, men sjónvarpsmyndir vísa stór roykskýggj og fleiri hús og bilar, sum eru kolað upp.

Vandi framvegis á ferð

- Síðani í gjár hevur ikki verið neyðugt at víðkað um økið, har fólk mugu flytast burtur, og tað kann vera ábending um at støðan er óbroytt. Men vandi er framvegis á ferð, sigur Mika Savage, borgarstjóri í Halifax. 

Í býnum búgva 430.000 fólk.

Sambært myndugleikunum, er neyðugt við nógvum regni fyri at fáa tamarhald á skógareldunum í Nova Scotia, men útlit eru ikki fyri regni næstu dagarnar.

Í gjár vóru skógareldar í átta av 13 landpørtum í Kanada, skrivar NTB.