Lógarnevndin í kongressini samtykt at hækka skuldarloftið

Lógarnevndin í undirhúsinum í amerikonsku kongressini hevur góðkent lógaruppskotið um at hækka skuldarloftið hjá USA.

Nú skal Umboðsmannatingið atkvøða um uppskotið.

Limirnir í lógarnevndini vóru ikki samdir, sjey atkvøddu fyri uppskotinum, og seks ímóti.

Lógaruppskotið er semja, sum Joe Biden forseti og formaðurin í Kongressini Kevin McCarthy hava gjørt í felag.

Vilja hava skerjingar

Republikanararnir siga, at teir kunnu taka undir við at hækka skuldarloftið, um Biden góðkennir skerjingar í fíggjarlógini.

Verður uppskotið eisini góðkent í Umboðsmannatinginum, skal Senatið gera av, um tað verður samtykt.

Kongressin má góðkenna uppskotið fyri 5.juni, tað er mánadagin, sum er markið fyri, nær fíggjarmálaráðið ikki longur hevur ráð at rinda skuld hjá amerikonsku tjóðini. 

Hendir tað, kann tað elva til búskaparliga kreppu í USA, sum aftur kann raka búskapin í øðrum londum.