Starvsfólk á Elektron fáa lønarhækking

Tey, sum arbeiða hjá Elektron, fáa lønarhækking í morgin. 

Føroya arbeiðsgevarafelag og fakfelagið YTF hava gjørt tvey ára sáttmála fyri starvsfólkini hjá Elektron.

Í morgin, 1.juni 2023, hækkar lønin 3,75 prosent, og 1.juni næsta ár hækkar lønin 4,04 prosent.

Talan er um sama karm, sum semja er um á privata arbeiðsmarknaðinum í hesum samráðingarumfarinum, sum byrjaði 1.mai í fjør.

YTF er yrkisfelagið hjá teimum, sum arbeiða í tryggingarvinnuni, fíggjarvinnununi ella í KT-vinnununi.