Taka ikki støðu til fiskiveiðisamstarvið fyrr enn í heyst

Landsstýrið fer ikki at taka støðu til fiskiveiðisamstarvið við Russland í 2024 fyrr enn í heyst, væntandi í september.

Tað upplýsti Aksel V. Johannesen, løgmaður, á tíðindafundi á Viðareiði fyri løtu síðani.

Men umfatandi havnarstongsil verður settur í verk sum skjótast.

Senastu tíðina hava russisk skip umskipað umleið 400.000 tons í føroyskum havnum, hóast tey bara kunnu fiska umleið 100.000 av uppsjóvarfiski í føroyskum sjógvi.

Men við tiltøkunum, sum nú verða sett í verk, sleppa russisk skip bara at umskipa tað, sum loyvt er at fiska sambært fiskisrættindaavtaluni.

Tað merkir, at umskipanin í føroyskum havnum minkar niður í ein fjórðing, var upplýst á tíðindafundinum.