Løgmaður vitjar í Grønlandi

Millum annað skal løgmaður hitta grønlendska landsstýrisformannin, Múte B. Egede, og umrøða samstarvið millum Føroyar og Grønland, umframt støðuna í Arktis.

Í næstu viku verður árligur fundur í uttanríkis-, trygdar- og verjupolitiska samstarvsráðnum, har Grønland í ár hevur formansskapin.

Í sambandi við fundin koma eisini Høgni Hoydal, landsstýrismaður í uttanríkis- og vinnumálum, og Ruth Vang, landsstýriskvinna í fíggjarmálum, til Grønlands.

Eisini verður ríkisfundur millum stjórnarleiðararnar í Grønlandi, Danmark og Føroyum, og er hetta ríkisfundur nummar 40 síðani tann fyrsta í 1983.

Føroyska ferðalagið fer úr Grønlandi aftur hósdagin.