Spreinging nær Ukrainska býnum Dnipro

Eitt fjølbýlishús tætt við ukrainska býin Dnipro varð í nátt rakt av eini spreinging. Ein tvey-ára gomul genta lat lív, og 22 fólk vórðu særd. 

Tað skrivar lokali guvernørurin á Telegram sambært DR.

Gentan varð funnin undir einum múrsteinsbroti í nátt. 

Millum tey særdu eru fimm børn. Guvernørurin segði eisini, at bjargingarfólk hava hálað fólk úr múrsteinsbrotinum.

Forsetin í Ukraina, Volodymyr Zelenskyj, skrivar á Telegram, at spreingingin hendi millum tvey fjølbýlishús.

- Tíverri eru fólk undir múrsteinsbrotinum. Hetta er enn prógv fyri, at Russland er ein terror statur, sigur hann. 

Í Russlandi vísa tey aftur, at landið fer miðvíst eftir sivilum.