- Tíðindi, mentan og ítróttur
Joel undir Leitinum á odda fyri stórari byggiverkætlan í Saltangará
Joel undir Leitinum á odda fyri stórari byggiverkætlan í Saltangará
Nýggjur nevndarformaður er settur í smápartafelagnum Í Leitinum, sum stendur fyri 450 milliónir krónur dýru byggiverkætlanini, í Leitinum í Saltangará
Í Leitinum er ein risastór byggiverkætlan fyri eina lítla hálva milliard krónur
05.06.2023 - 14:43
Joel undir Leitinum, stjóri í Posta, er skal standa á odda fyri stóru byggiverkætlanin í Leitinum í Saltangará.
Joel undir Leitinum er settur sum nevndarformaður í smápartafelagnum Í Leitinum, sum stendur fyri 450 milliónir krónur dýru byggiverkætlanini, í Leitinum í Saltangará.
Tað veit føroyska Frihedsbrevet at siga.
Avloysir Jóhannus Egholm Hansen
Sp/f Í Leitinum er dótturfelag hjá danska felagnum, St. Jørgen Ejendomme, har Jóhannus Egholm Hansen er formaður.
Jóhannus Egholm Hansen hevur eisini verið formaður í smápartafelagnum Í Leitinum, men nú tekur Joel undir Leitinum við tí sessinum.
Byggiverkætlanin er nógv seinkað.
Fyrstu 30 íbúðirnar skuldu upprunaliga vera klárar at flyta inn í fyrst í 2024, men ætlanin er nú at byrja at byggja fyri ársskiftið.
Vilja styrkja felagið
Sambært Rune Bro Róin, sum er virkin stovnari í St. Jørgen Ejendomme, eru tað broytingar á marknaðinum, sum gera, at byggingin er seinkað.
Han sigur, at formaðurin í felagnum verður skiftur út, fyri at styrkja verkætlanina og at gera hana rótfesta á staðnum.
Vit hava sett okkum í samband við Torbjørn Jacobsen, borgarstjóra í Runavíkar kommunu, og spurt, hvat hann sigur til knappliga formansskiftið í sambandi við stóru byggiverkætlanina - og um hann er tryggur við, at verkætlanin verður framd sum ætlað?
Torbjørn Jacobsen sigur seg onga viðmerking hava til málið, tí kommunan ræður ikki fyri, hvussu privat feløg skipa seg. Í stuttum skrivligum boðum orðar borgarstjórin seg soleiðis:
"Mær vitandi er onki broytt í málinum annars."
Er kopiera
Nýggjastu sendingar í ÚV
Nýggjastu sendingar í SV
