Nato skipar fyri størstu hernaðarvenjingini higartil

Nato fyrireikar í løtuni størstu hernaðarvenjingina higartil, sum verður í luftini burturav.

10.000 fólk og 250 tyrlur og flogfør úr 25 londum eru við í hernaðarvenjingini.

Týskland er vertur.

Sambært AP tíðindastovuni, siga týskir og amerikanskir embætismenn, at venjingin skal vísa teimum sameindu og møguligum fíggindum, hvussu sterk verjusamgongan er.

Hernaðarvenjingin verður kallað 'The Air Defender 23', og hon byrjar í næstu viku.

Endamálið er at venja eitt aftursvar frá Nato, um ein sameindur verður álopin.

Amerikanska sendikvinnan í Týsklandi, Amy Gutmann, sigur við AP, at hon verður ovfarin, um tað finst ein heimsleiðari, sum ikki leggur sær í geyma stríðshugin og styrkina hjá teimum sameindu. Tá skal harra Putin teljast uppí.