Nógv mál umrødd, men eingin verulig loysn

Ongar veruliga loysnir, men umrøða av nógvum viðkomandi málum. og partarnir skilja nú betur hvør annan.

Óvissa støðan í heiminum ger, at tørvur er á uppaftur tættari samskifti millum Føroyar, Danmark og Grønland á uttanríkis -trygdar-, og verjupolitiskaøkinum. 

Tað stendur í yvirlýsing frá teimum trimum stjórnarleiðarunum í ríkinum.

Týsdagin hevði uttanríkis-, trygdar-, og verjupolitiska samstarvsráðið millum Føroyar, Danmark og Grønland sín annan fund. Fyrsti fundur var í Føroyum í fjør.

Vit fingu orðið á løgmann, sum var staddur á flogvøllinum í Nuuk: 

Ríkisfundur 2023

Teir tríggir stjórnarleiðararnir í ríkinum, tá skrivað varð undir yvirlýsingina.

Eftir fundin skrivaðu Aksel V. Johannesen løgmaður, Mette Frederiksen forsætisráðharri, og Múte B. Egede, landsstýrisformaður, undir endayvirlýsing frá fundinum.

Á fundinum vóru fleiri mál umrødd, ið hava við uttanríkis -,trygdar- og verjupolitik at gera, millum annað skipaferðslan í føroyskum sjóøki, har samstarvsráðið staðfestir, at neyðugt er at halda fram við tøttum samskifti og vitanardeiling.

Harumframt varð eisini uttanríkispolitiska menningin í Arktis, kríggið í Ukraina og NATO-toppfundurin, sum verður í summar, umrødd.

Yvirlýsingin, sum er á donskum, kann lesast her