USA fyrireikar stóran hjálparpakka til Ukraina

USA fyrireikar ein hernaðarligan hjálparpakka til Ukraina fyri meira enn tvær milliradir dollarar, tað svarar til 14 milliardir krónur. 

Tað skrivar Bloomberg.

Heimasíðan endurgevur embætisfólk í umsitingini hjá Biden, sum siga, at pakkin verður kunngjørdur longu í dag.

Meginparturin av peninginum skal brúkast til loftverju og til at hjálpa Ukraina at keypa Hawk-rakettir og framkomnar Patriot-loftverjurakettir.

Pakkin kemur, meðan grundað verður um, at Ukraina hevur sett í gongd mótálop, sum tað hevur ávarað um leingi.