Landsstýrisformaðurin: Viðurskiftini við Danmark eru batnað

Eftir fundir í tveir dagar millum stjórnarleiðarar í ríkisfelagsskapinum, eru viðurskiftini millum grønlendska landsstýrisformannin, Múte B. Egede, og danska forsætisráðharran, Mettu Frederiksen, batnað.

Tað skrivar grønlendska KNR.

Seinastu tíðina hava nógvar ósemjur verið millum londini bæði. Millum annað um arktiska sendifólkið og snyrilsmálið.

Herfyri fanst Múte B Egede at donsku stjórnini fyri ikki at virða Grønland sum javnsettan part.

Men, sambært Múte B. Egede, sær framtíðin nú bjartari út, tá ið talan er um samstarvið millum Grønland og Danmark.

- Eg haldi, at danir nú eru farnir at skilja betur, hvat vit vilja í Grønlandi.Vit eru nú eisini saman farin undir at finna loysnir á teimum ósemjum, vit hava havt, sigur landsstýrisformaðurin við KNR.

Danski forsætisráðharrin, Mette Frederiksen, heldur, at tey hava funnið stevið aftur.