![](https://www.uf.fo/sites/default/files/styles/myndasavn-width/public/vlcsnap-2023-06-02-10h35m42s066.png?itok=rFLig3Qa)
- Tíðindi, mentan og ítróttur
Løgmaður: Øll verjumál verða viðgjørd á stjórnarstigi
![](https://kvf.fo/sites/default/files/styles/grein-ovasta-mynd/public/uttanlandsnevndin_fund_aksel_v._johannesen.jpg?itok=kw_nffva)
Ongar avgerðir um Føroyar verða tiknar, uttan at landsstýrið er við í teimum.
Øll mál, sum eru viðkomandi fyri Føroyar og føroysk viðurskifti, vera umrødd á stjórnarstigi millum Føroyar og Danmark.
Tað sigur Aksel V. Johannesen, løgmaður, í svari til Bárð á Steig Nielsen, løgtingsmann, sum spurdi um donsku verjusemjuna.
Løgmaður sigur, at higartil í ár hava landsstýrismaðurin í uttanríkis- og vinnumálum og danski verjumálaráðharrin umrøtt málið um verjusemju sjey ella átta ferðir.
Bárður á Steig Nielsen, løgtingsmaður, spurdi løgmann um verjusemjuna.
Orða karmsemju
Síðani hetta landsstýrið tók við, hevur danska verjumálaráðið fýra ferðir boðið donsku flokkunum og landsstýrinum til kunnandi fundir um yvirskipaðu fortreytirnar fyri eini nýggjari verjusemju. Sendistova Føroya í Keypmannahavn hevur verið á hesum fundum.
Í løtuni verður arbeitt við orðingum í einari karmsemju. Seinni verða samráðingar um ítøkilig mál og átøk.
Landskassin skal ikki gjalda fyri verjusemjuna millum flokkarnar í fólkatinginum. Men trygd kostar, sigur løgmaður.
Tá íløgur skulu gerast í trygd og verju á yvirtiknum málsøkjum, kann tað gerast ein spurningur fyri løgting og landsstýri at fáa til vega fígging.